فن لینڈ: سپریم کورٹ نے دو پناہ گزین خواتین سے جبراں حجاب اتارنے پر دو افسران کو بری کر دیا

فن لینڈ کی سپریم کورٹ نے دو مسلمان پناہ گزین خواتین سے جبراں حجاب اتارنے اور ان پر جسمانی طاقت استعمال کرنے کے الزام میں دو پولیس افسران کو بری کر دیا، اس طرح نو سال تک فن لینڈ کی عدالتوں میں چلنے والا یہ مقدمہ اختتام کو پہنچا۔

عدالت نے اپنے فیصلے میں قرار دیا کہ خواتین کا اسکارف اتارنا پولیس کے معمول کے سیکیورٹی طریقہ کار کے تحت ہوا تھا اور یہ کوئی ایسی قانونی خلاف ورزی نہیں تھی جو کسی افسر کو سزا دلانے کا جواز فراہم کرے۔

اس فیصلے نے اسلامی تنظیموں سے تنقیدی ردعمل کو جنم دیا۔ کاؤنسل آن امریکن اسلامیک ریلیشنز (کیئر) نے فیصلے کی مذمت کرتے ہوئے فن لینڈ کی مسلم کمیونٹی کے ساتھ یکجہتی کا اظہار کیا اور کہا کہ جبراں حجاب اتارنا مذہبی آزادی کی خلاف ورزی ہے۔

دونوں افسران کی شناخت یا خواتین کی جانب سے اس فیصلے کے بعد اٹھائے جانے والے ممکنہ قانونی اقدامات کے بارے میں ابھی تک کوئی اضافی تفصیلات دستیاب نہیں ہیں۔